လေးနှစ်မြောက်ရက္ခိုင့်တပ်မတော်နိစစ်ဦးစီးချုပ်မိန်းခွန်း

(၄) နှစ်မြောက်ရက္ခိုင့်တပ်မတော်နိစစ်ဦးစီးချုပ်မိန်းခွန်း ရဲဘော်ရို့အေနိ၂၀၁၃၊ခုနှစ်ဧပြီလ(၁၀)ရက်လေးနှစ်ပြည့်ရက္ခိုင့်တပ်မတော်နိဖြစ်တေ။ငါရို့ရက္ခိုင့်တပ်မတော်ကိုလွန်ခရေလေးနှစ်ကမဟာမိတ်ကချင်နယ်မြေမှာမျိုးချစ်ရဟန်းပျော်၊လူငယ်တက္ကသိုလ်ကျောင်းသားတိနန့်၊ရခိုင်အမျိုးသားရေးလမ်းစဉ်ရက္ခိုင့်တပ်မတော်ဧ၊သစ္စာ(၅)ချက်အပေါ်မှာအခြေခံပြီးကေ၊ရက္ခိုင့်တပ်မတော်ကို၊ဖွဲ့စည်းတည်ထောင်ခဂတ်တေ။ရခိုင်လူမျိုးအတွက်အဓိပ္ပါယ်လေးနက်ရေ၊အရေးကြီးရေနိရက်တစ်ခုဖြစ်တေ။ရဲဘော်ရို့…ငါရို့ရခိုင်သမိုင်းမှာရခိုင်အင်ပါယာကြီး၊သမိုင်းခေတ်အဆက်ဆက်ခိုင်မာမြင့်မား၊တင့်တယ်ခစွာရေအမျိုးသားစည်းလုံးညီညွတ်မှုနန့်ခိုင်မာတင့်တင်းရေ၊ရက္ခိုင့်တပ်မတော်ကိုပိုင်ဆိုင်ထားခလို့ဖြစ်တေ။ငါရို့ဧ၊ဘိုးဘေးတိစွာမဂိုအင်ပါယာကြီးအီဂျစ်ကို၎င်း၊ပေါ်တူဂီနန့်အနောက်တိုင်းသားများဧ၊ထိပါးကျူးကျော်ရန်စမှုအမျိုးမျိုးကိုသော်၎င်း၊နှိမ်နှင်းအောင်မြင်ပြီးကေ၊အိန္ဒိယသမုဒ္ဒရာတစ်နံတစ်လျှားမှာ၊ရက္ခိုင့်အောင်လံတော်ကိုလွှင့်လို့အမျိုးသားဂုဏ်ကို၊မြှင့်တင်ထားနိုင်ခဂတ်တေ။ဗမာအင်ပါယာဘုရင့်နောင်မင်းပဲခူး၊ကမ္ဘောဇသာဂီအပါအဝင်ထိုင်းနိုင်ငံနယ်နိမိတ်အထိအောင်ပွဲခံနိုင်ခဂတ်တေ၊ရခိုင်သမိုင်းကိုဘုန်းမီးနီလတောက်ပဇီခစွာလဲ၊ရက္ခိုင့်တပ်မတော်ပင်ဖြစ်တေ။ရဲဘော်ရို့…ငါရို့ရခိုင်တိရေ(၁၇၈၄)ခုနှစ်မှာ၊မယုံသင့်ရေလူကိုယုံ၊မိတ်ဆွေဟန်ဆောင်ထားရေရန်သူဧ၊လှည့်စားမှုကိုယုံစားခလို့၊အမျိုးသားရေးသတိတိပျက်ကွက်ခဂတ်လို့၊တိုင်းပြည်အချုပ်အချာအာဏာဆုံးရှုံးခဂတ်စွာရေ၊နှစ်ပေါင်းနှစ်ရာကျော်ပါလတ်ဗျာလ်ဖြစ်တေ။ဒေနိရက္ခိုင့်လူ့အဖွဲ့အစည်းစွာ၊ဖိနှိုပ်သွီးစုပ်ခြီလှယ်ရေလူမျိုးခြားတိအောက်မှာ၊လွတ်လပ်မှု၊လုံခြုံမှု၊စီးပွားရေး၊လူမှုရေး၊ပညာရေး၊ရက္ခိုင့်သဘာဝပတ်ဝန်းကျင်အရင်းအမြစ်၊ဘာသာရေးအစွန်းရောက်လူမျိုးတိဧ၊ခြိမ်းခြောက်မှုအန္တရာယ်အကြောင်းကို၊ရက္ခိုင့်သမိုင်းမှာအဆိုးရွားဆုံး၊ခံစားနီဂတ်ရရေ။ဒေပိုင်အမျိုးသားရေးချွတ်ခြုံကျမှု၊အမျိုးသားရေးအကျပ်တည်းတိက၊ရခိုင်လူမျိုးတိကိုကယ်တင်နိုင်ဖို့အတွက်၊က္ခိုင့်တပ်မတော်ကိုပြန်လည်မွီးဖွားတည်ဆောက်ရခြင်းဖြစ်တေ။ရခိုင်သမိုင်းဧတောင်းဆိုမှုမျက်မှောက်ကာလ၊လိုအပ်ချက်ရ၊က္ခိုင့်အနာဂတ်ကိုအတိအကျ၊အာမခံချက်ပီးနိုင်ဖို့အတွက်ဖြစ်တေ။ယင်းကြောင့်ရက္ခိုင့်တပ်မတော်ခိုင်မာအောင်၊ဒေဂုအခြေအနီထက်ထိရောက်ကျယ်ပြန့်လာအောင်၊အမျိုးသားတပ်မတော်တည်ဆောက်ရေးသည်ရခိုင်အမျိုးသားလှုပ်ရှားမှုဧ၊နံပါတ်တစ်ဦးစားပီးလုပ်ငန်းစဉ်ကြီးတစ်ခုဖြစ်တေ။ရဲဘော်ရို့…ရခိုင်လူမျိုးအတွက်ခိုင်မာရေတပ်မတော်ကိုတည်ထောင်ပိုင်ဆိုင်ထားနိုင်ရေးသည်၊ငါရို့ရခိုင်လူမျိုးတိဧ၊သီရေး၊ရှင်ရေးဖြစ်တေ။ယင်းအပြင်ရက္ခိုင့်အနာဂတ်ဧ၊အာမခံချက်လည်းဖြစ်တေ၊ရခိုင်ပြည်ဧ၊ထူးခြားရေပထဝီနိုင်ငံရေးအခြေအနေကြောင့်၊အင်အားကြီးနိုင်ငံတိကပင်၊ယင်းရို့ဧစစ်ရေး၊နိုင်ငံရေး၊စီးပွားရေးအကျိုးစီးပွားတိအတွက်ရခိုင်ပြည်ကိုမျက်စိကျအားပြိုင်ရယူဖို့ကြိုးစားနီဂတ်တေ။အခြားတစ်ဘက်မှာလည်း(-)အန္တရယ်က၊တစ်ရက်ထက်တစ်ရက်ပိုလို့ပို၊လို့ခြိမ်းခြောက်မှုတိများပါလတ်တေ။ယေဇူးနက်၊ခေတ်မီအင်အားတင့်တင်းပြီးကေ၊အမျိုးသားရေးအတွက်၊ဂတိသစ္စာတည်ရေ၊တပ်မတော်တစ်ရပ်ကို၊အချိန်မီတည်ဆောက်ပိုင်ဆိုင်ထားနိုင်ဖို့၊အရေးတစ်ကြီးလိုအပ်တေအတွက်နန့်၊ရခိုင်တစ်မျိုးသားလုံးနန့်၊လက်တွဲပြီးကေအမျိုးသားရေးလှုပ်ရှားမှုအသွင်နန်၊့ပြင်းပြင်းထန်ထန်အားစိုက်ဆောင်ရွက်လုပ်ကိုင်လားရဖို့ဖြစ်တေ။ရဲဘော်ရို့…လက်ရှိရက္ခိုင့်လူ့အဖွဲ့အစည်းစွာရေ၊ဝါးစည်းပြီရေပိုင်ပြီပြီးကေ၊တစ်ယောက်တစ်ပေါက်နန့်ညီညွတ်မှုအားနည်းနီစွာတိကိုသိရှိရရေ။အမျိုးသားရေးစိတ်ဓာတ်ပိုင်းမှာ၊အားရှိကေလည်းလမ်းစဉ်တိမှုန်ဝါးနီဂတ်စွာတိကိုမျက်ဝါးထင်ထင်သိရှိရရေ၊တွိကြုံရရေ။ဆရာတိကလည်းများမှများ၊တစ်ယောက်တစ်ပေါက်နန့်ဖြစ်ချင်စာတိကိုမျက်စိဇုံမှိုတ်ပြီးကေ၊အော်နီလို့လက်တွီ့မှာတစ်ခုလည်းဖြစ်လာဖို့မဟုတ်။ရခိုင်သားတိအတွက်ဇာလိုအပ်လေ၊ဇာလိုချင်ရေဆိုစာတိကို၊ပတ်ဝန်းကျင်အခြီအနီ၊ကမ္ဘာကြီးအခြီအနီတိနန့်လိုက်လျော့ညီထွေအောင်၊သဟဇာတဖြစ်အောင်လက်တွီ့ကျရေ၊မဟာဗျူဟာမြောက်အမျိုးသားရေးလမ်းစဉ်ကို၊ချမှတ်ပြီးကေလုပ်သင့်စွာဖြစ်နိုင်စွာတိကတစ်ဆင့်၊တစ်ဆင့်၊ချင်းအားယူတက်လှမ်းပြီးကေရခိုင်သားရည်မှန်းချက်၊က္ခိုင့်အိမ်မက်တိကိုလက်တွိ့ဆန်ဆန်အကောင်ထည်ဖေါ်ယူလားဂတ်ရဖို့ဖြစ်တေ။ရဲဘော်ရို့…ဇာကိစ္စပင်မဆိုအစပိုင်းမှာကောင်းကောင်းခက်ခဲတတ်တေ။မိမိရို့လူမျိုးအတွက်ထားရှိအပ်တေကြီးမားရေရည်မှန်းချက်တာဝန်တိပေါက်မြောက်အောင်မြင်ဖို့အတွက်ဇွဲ၊သတ္တိ၊ခိုင်မာရေသန္ဒိဌာန်၊မှန်ကန်ရက်ရောတေပီးဆပ်မှုတိနန့်၊ဂတိသစ္စာတိတည်နိုင်ဂတ်ဖို့အရေးကြီးရေ။ရက္ခိုင့်တပ်မတော်သည်ခိုင်မာပြတ်သားရေ၊အမျိုးသားရေးယုံကြည်ချက်နန့်တိုက်ပွဲဝင်လားဖို့ပြည်သူကိုကာကွယ်အလုပ်ကျွေးပြုဖို့၊ရခိုင်ပြည်သူ့အတွက်ရက္ခိုင့်တပ်မတော်ဖြစ်တေဆိုစွာကိုမှတ်ထားဂတ်ပါ။မိမိရို့အနေနန့်အမြဲတမ်းစိတ်ဓာတ်မြင့်မားဖို့၊စည်းကမ်းကောင်းမွန်ဖို့၊စွမ်းရည်ထက်မြက်လာဖို့၊အမျိုးသားရေးကိုဦးထိုက်ပန်ဆင်ပနာကြိုးစားဂတ်လားရဖို့ဖြစ်တေ။ဇာအရာကိုပင်မဆို၊အလကားရရေလို့မဟိထိုက်တန်ရေရင်နှီးမှု၊ပီးဆပ်မှုတိနန့်တည်ဆောက်ဂတ်ရရေ။အချောင်သမားစရိတ်၊အလကားလိုချင်ရေစိတ်ဓာတ်နန့်၊တိုင်းပြည်တစ်ပြည်ကိုဇာခါလည်းသို့တည်ဆောက်လို့မရ။ငါရို့ရက္ခိုင့်တပ်မတော်ရေ၊မိမိရို့ဧတော်လှန်ရေးဘဝပီးအခြေအနေတိကြောင့်၊ဒေနေရာကိုလာရောက်ပြီးကေအခက်ခဲတိအမျိုးမျိုးကြားက၊အသက်၊သွီး၊တော်လှန်ရေးရုန်းကန်တည်ဆောက်ဂတ်ရရေ။တည်ဆောက်ယင်းနန့်ပင်၊မဟာမိတ်တိနန့်လက်တွဲပြီးကေ၊ဘုံရန်သူတိကို၊တိုက်ထုတ်ဂတ်တေ၊တိုက်ပွဲဝင်ဂတ်တေ၊တိုက်ပွဲကာလအတွင်းမှာ၊အဖိုးအနန္ဃထိုက်တန်ရေရက္ခိတသူရဲကောင်းတစ်ချို့သွီးမြီကျဂတ်ရရေ။အေချင့်သည်ပင်လျှင်မရှောင်လွှဲနိုင်ရေတော်လှန်ရေးဧ၊လောကဓံတိဖြစ်တေ။တပ်မတော်တစ်ရပ်ခိုင်မာလာဖို့အတွက်၊တန်ဖိုးရှိရေအဖရခိုင်ပြည်ကိုကာကွယ်နိုင်ရေတပ်မတော်တစ်ရပ်ကို၊ပိုင်ဆိုင်ဖို့အတွက်၊ပီးဆပ်မှုတိအများကြီးရင်းနှီးပြီးကေ၊တည်ထောင်လာရစွာဖြစ်တေ။ဒေခရီးကို၊ဒေအခြေအနီကို၊အလိုလျှောက်အလကားသတ်သက်(အုံဖွ)ရောက်ပါလတ်စာတော့မဟုတ်ဆိုစွာကို၊ရဲဘော်ရို့ကိုယ်တိုင်အသိဆုံးဖြစ်တေ။မိမိရို့ရက္ခိုင့်တပ်မတော်ရေ၊အမျိုးသားရေးရည်မှန်းချက်၊အမျိုးသားနိုင်ငံရေးခံယူချက်၊အပြည့်နန့်ရပ်တည်ပြီးကေကြီုးစားရုန်းကန်လှုပ်ရှားလာရေ၊ခရီးဆက်လာရေ၊မျိုးချစ်တပ်မတော်ဖြစ်တေ။မိမိရို့စာရေ၊လက်နက်ကိုင်သောင်းကျန်းသူတိဟုတ်၊ရဲရင့်ရေအာဇာနည်သူရဲကောင်း၊ရဲဘော်တိဧအသွီးအသား၊တိုက်ပွဲဝင်ရဲဘော်တိဧ၊သွီး၊ချွဲ၊မျက်ရည်၊တိုက်ပွဲအတွီ့ကြုံတိသံမဏိစိတ်ဓာတ်နန့်၊ထုဆစ်ထားရေ၊မျိုးချစ်ရဲဘော်တိနန့်ဖွဲ့စည်းထားရေ၊အဖရခိုင်ပြည်အတွက်ဇာခါလည်းသို့၊အမှန်မလဲရေမျိုးချစ်တပ်မတော်ဖြစ်တေ။ရဲဘော်ရို့…၂၀၁၂ခုထဲမှာငါရို့ရခိုင်ပြည်စွာရေ၊ဘာသာရေးအစွန်းရောက်တိကြောင့်မီးဟုမ်းဟုမ်းတောက်လောင်ပြီးကေ၊ရခိုင်သားတိကိုယ့်တိုင်းပြည်ထဲမှာကို၊အကာကွယ်မယ့်ဒုက္ခရောက်ဂတ်ရရေ။ရခိုင်သားတိဒုက္ခရောက်စွာကိုပြည်ထောင်စုစစ်တပ်လို့နာမည်ခံထားရေဗမာစစ်တပ်က၊ဒေအတိုင်းလက်ပိုက်ကြည့်နီစွာကိုတွီ့ရှိရရေ၊၊ရခိုင်ပြည်တွင်းမှာ၊တပ်စွဲထားရေ၊ဗမာစစ်တပ်လည်းသို့၊ကြီးတပ်၊ရီတပ်၊ပုလိပ်တပ်ဖွဲ့အပါအဝင်၊တပ်ရင်း(၆၀)ထက်မနည်းရှိရေ။သူရို့ရခိုင်ပြည်မှာတပ်စွဲထားစွာရေ၊ရခိုင်ပြည်ကိုကာကွယ်ဖို့အတွက်မဟုတ်၊ဖိနှိုပ်အုပ်ချုပ်ဖို့၊ကျွန်ပြုဖို့နန့်၊ငါရို့ဧဘိုးဘွားပိုင်ဆိုင်ရေသံယံဇာတတိကို၊အထားအဆီး၊အဟန့်အတားမဟိ၊ယူငင်ဖို့အတွက်၊သူရို့တိအကျိုးစီးပွားအတွက်ရာဖြစ်တေ။ကိုယ့်အိုးကိုယ့်အိမ်လုံခြုံဖို့၊ရရာလက်နက်နန့်ကာကွယ်ဂတ်တေလူတိကိုတောင်၊သတ်ဖြတ်ဖမ်းဆီးမှုတိ၊လုပ်နီစွာကိုအားလုံးသူအသိပင်ဖြစ်တေ။ဒေနိဒေချိန်မှာ၊ရက္ခိုင့်တပ်မတော်ကို၊ရခိုင်လူမျိုးတိက၊ကောင်းကောင်းကြီး၊အားကိုးတစ်ကြီးမျှော်လင့်တောင်းတနီဂတ်တေ။ရခိုင်ပြည်ကြီးလည်းသို့(-)ကိုကြည့်ပြီးကေစောင့်မျှော်နီရေ။မိမိရို့အနေနန့်ကိုစွမ်းဥာဏ်စွမ်းရှိသမျှအမျိုးသားရေးသတိ၊တော်လှန်ရေးအသိ၊နိုင်ငံရေးပရိယာယ်တိကို၊အခြေခံပနာ၊ပိုလို့ပိုလို့ကြိုးစားဖို့လိုအပ်တေ။ရခိုင်ပြည်၊ကိုရခိုင်သားလောက်ဇာသူလည်းမချစ်နိုင်၊ယင်းသူရို့ချစ်တေဆိုစွာက၊မောင်ကြီးမေတ္တာစောက်မေတ္တာအဆင့်ရာရှိရေ။ရခိုင်သားတိအနေနန့်ပီပြင်ရေ၊အမျိုးသားရေးလမ်းစဉ်ရှိမှရာ၊ညီညွတ်ရေးဆိုစွာကို၊ဖေါ်ဆောင်လို့ရဖို့။ဒေနေရာမှာရခိုင်အမျိုးသားတိအနေနန်၊့တော်လှန်ရေးအဖွဲ့အစည်းတိ၊နိုင်ငံရေးအဖွဲ့အစည်းတိ၊လူမှုရေးအဖွဲ့အစည်းတိ၊အဖွဲ့အစည်းပေါင်းမြောက်များစွာရှိနီရေ။ရခိုင်သားအားလုံး၊သူအဖွဲ့စည်းပေါင်းစုံကလည်းသို့၊ငါရို့ရခိုင်လူမျိုး၊လွတ်မြောက်ဖို့၊ရက္ခိုင့်အိမ်မက်တိကိုအကောင်ထည်ဖေါ်လို့၊ရခိုင်နိုင်ငံကြီးကိုတည်ဆောက်ဖို့အတွက်၊ရခိုင်အမျိုးသားညီညွတ်ရေးကိုအားလုံးသူကပြောဂတ်တေ။ညီညွတ်ရေးညီညွတ်ရေဆိုပြီး၊ညီညွတ်ရေးကိုဇာပိုင်အကောင်အထည်ဖေါ်ဂတ်ဖို့လဲ၊ဇာသူကတာဝန်ယူဖို့လဲ၊အဖြေပေါ်ဖို့မလွယ်ကူဖြစ်တေ။ဇာကြောင့်မညီညွတ်လဲ၊ခိုင်မာရေ၊ပီပြင်မှုရှိရေ၊လက်တွီ့ဆန်ရေ၊အမျိုးသားရေလမ်းစဉ်တစ်ရပ်ပေါ်မှာသဘောမတူညီဂတ်ဘဲနန့်၊ဇာအကြောင်းတရားပေါ်မှာအခြေခံလို့ညီညွတ်လာဂတ်ဖို့လဲ။ယေဇူးနန့်ရက္ခိုင့်တပ်မတော်အနေနန့်ပီပြင်ခိုင်မာရေ၊လက်တွီ့ကျရေ၊မဟာဗျူဟာမြောက်တေ၊ဂနိကမ္ဘာကြီးအခြေအနီနန့်သဟဇာတဖြစ်တေ၊အမျိုးသားရေးလမ်းစဉ်တစ်ခုကိုလည်းသို့၊ချမှတ်ဖို့အတွက်အပြင်အထန်ကြိုးစားလို့ရှိရေ။တစ်ချိန်တည်းမှာဗျာလ်၊ရခိုင်အမျိုးသားညီညွတ်ရေးအတွက်လည်း၊ရက္ခိုင့်တပ်မတော်ကကျားကုတ်ကျားခဲနန့်ကြိုးစားမာန်တက်ဆောင်ရွက်လျှက်ရှိရေ၊၊အေချင့်စွာကောင်းကောင်းအရေးကြီးရေလုပ်ငန်းတာဝန်တစ်ရပ်ဖြစ်တေ။အကောင်းဆုံးအတွက်မျှော်လင့်လို့ကြိုးစားနီရေပိုင်၊အဆိုးဆုံးသောလည်းသို့၊အမြဲတမ်းပြင်ဆင်လို့်ဟိလီရေ။ရခိုင်ပြည်အကျိုးစီးပွား၊ရခိုင်အမျိုးသားအကျိုးစီးပွားအတွက်၊ရက္ခိုင့်တပ်မတော်အနေနန့်ဇာအဖွဲ့စည်းနန့်ပင်မဆို၊ဇာပိုင်စွာပုဂ္ဂိုလ်နန့်ပင်မဆို၊ပူးပေါင်းပြီးကေလက်တွဲဆောင်ရွက်လားဖို့အတွက်အဆင်သင့်ဟိရေဆိုစွာကို၊အေနိအေအချိန်မှာအထူးတစ်လေပြောကြားလိုရေ။ယင်းအပြင်မိတ်ဆွေကောင်းတိကိုလည်း၊မဟာဗျူဟာကျကျ၊ဆက်လက်ပြီးကေ၊တည်ဆောက်လားဖို့ဖြစ်တေ။ဘဝတူ၊မျှော်မှန်းချက်တူ၊အခြေအနေတူ၊ခံစားချက်တူ၊မိတ်ဆွေတိနန့်၊စစ်ရေး၊နိုင်ငံရေးတိမှာပိုလို့၊ပိုလို့၊လက်တွဲပြီးကေပူးပေါင်းဆောင်ရွက်လားဖို့ဖြစ်တေ။ရဲဘော်ရို့…မိမိရို့အနေနန့်၊ရခိုင်လူမျိုးတိဧ၊အားနည်းချက်၊အားသာချက်တိ၊တော်လှတ်ရေးထဲက၊ရရှိထားရေသမိုင်းပီးသင်ခန်းစာတိကိုအခြေခံပနာ၊သတိတစ်ကြီးနန့်၊လုပ်ကိုင်ခရီးဆက်ရဖို့ဖြစ်တေ။ရန်သူဧပရိယာယ်လှည့်ကွက်တိကိုဖေါက်တွင်းနားလည်မြင်နိုင်စွမ်းရှိဖို့လိုရေ၊လိမ္မာပါးနပ်စွာနန့်၊တန်ပြန်တိုက်ကွက်ဆင်ရဖို့၊မိမိရို့ရခိုင်သားတိရေပြောစရာဟိကေပွင့်ပွင့်လင်းလင်း၊လုပ်စရာရှိကေပြတ်ပြတ်သားသား၊ဆိုရေအတွင်းစရိတ်ပေါ်မှာ၊ဂုဏ်ယူဂတ်စွာကိုတွီ့ရှိရရေ။ဒေပိုင်စွာအလေ့အထစွာ၊အားသာချက်တိလည်းရှိရေပိုင်၊အားနည်းချက်တိလည်းအများကြီးရှိရေ။ကိုယ်ရို့ကပြတ်သားရေ၊ရိုးသားမှုရှိရေ၊သတ္တိရှိရေ။သို့သော်အခြားတစ်ဘက်မှာ၊နည်းပရိယာယ်ပိုင်းတိ၊ဗျူဟာပိုင်းတိမှာ၊အားနည်းလားစာတိလည်းတွီ့ရှိရရေ။ယေဇူးနက်၊ငါရို့တိရေ၊အားနည်းချက်တိကိုအားသာချက်တိအဖြစ်၊ပြောင်းလဲနိုင်အောင်၊ကိုရို့တိမှာဇာတိမှားယွင်းနီရေဆိုစွာတိကိုဆန်းစစ်ပနာ၊ပိုလို့ကောင်းမွန်လာအောင်၊အရည်အသွီးတိပိုပြီးထက်မြက်လာအောင်၊ကြိုးစားအားထုတ်ဂတ်ရဖို့ဖြစ်တေ။ရက္ခိုင့်တော်လှန်ရေးနှစ်ပေါင်းနှစ်ရာကျော်ပါလတ်ဗျာလ်၊အတွီ့ကြုံတိလည်းကောင်းကောင်းများပါလတ်ဗျာလ်၊အကြိမ်ကြိမ်လည်းလဲကျဖူးဗျာလ်၊သွီးတိဘဝတိကိုရင်းပြီးကေခရီးဆက်လာဗျာလ်၊အတွီ့ကြုံပေါင်းမြောက်မားစွာရှိနီဗျာလ်။တော်လှန်ရေးခရီးတစ်လျောက်လုံးမှာ၊အာဇာနီတိဘဝနန့်ရင်းလို့်၊လမ်းခင်းပြထားခရေသင်ခန်းစာတိကို၊သိရှိအောင်ကြိုးစားပြီးကေ၊တိုင်းပြည်နန့်လူမျိုးအတွက်၊အကျိုးရှိအောင်အသုံးချရဖို့ဖြစ်တေ။မိမိရို့မှာရှိနီရေ၊အားနည်းချက်တိကိုပြုပြင်ဆန်းစစ်ဖို့အတွက်အမြဲတမ်းကြိုးစားအားထုတ်ဂတ်ပါ။အားသာချက်တိဖြစ်လာအောင်ပြောင်းလဲပြီးကေ၊အမျိုးသားအကျိုးစီးပွားကိုသယ်ပိုးထမ်းဆောင်ဂတ်ပါ။ရဲဘော်ရို့…ရက္ခိုင့်တပ်မတော်ဧ၊တိုက်ပွဲပုံသဏ္ဍာန်သည်၊တော်လှန်သောတိုက်ပွဲ၊တော်လှန်သောတိုက်ပွဲ၊ရခိုင်ပြည်သူတစ်ရပ်လုံးနန့်၊လက်တွဲပြီးကေ၊အမျိုးသားရေးလှုပ်ရှားမှုကို၊ဖေါ်ဆောင်လားရဖို့ဖြစ်တေ။ဒေနိရခိုင်လူမျိုးတိမျက်မှောက်၊ပြုနီရရေဒုက္ခတိစွာရေ၊ပြောပြလို့မကုန်နိုင်အောင်ကျယ်ပြန့်ရေ၊တစ်နားကလည်းပြောပြခရေ၊ဆင်းရဲနွမ်းပါးမှုတိ၊လူမှုရေးဒုက္ခတိ၊ရန်သူကတစ်ယောက်တည်းမဟုတ်၊ဘက်ပေါင်းစုံမှာဝိုင်းရံနီရေ၊ယားချင့်မှာတစ်ခါ၊ရခိုင်လူမျိုးတိကစီးပွားရေး၊လူမှုရေးအကျပ်တည်းကြောင့်၊ကိုယ့်ပြည်ကိုယ့်ရွာကိုစွန့်ခွါပြီးကေ၊နိစဉ်ရက်ဆက်၊အဝီးကိုထွက်လားနီဂတ်ရရေ၊ဒေချင့်စာရေ၊အမျိုးသားရေးတွက်၊ကြီးမားရေဆုံးရှုံးမှုအနှတ်လက္ခဏာတိဖြစ်တေ။စုစည်းမှုတိပြိုကွဲလားကေရခိုင်ပြည်ထဲမှာ၊ရခိုင်သားတိအားနည်းပါလတ်ကေ၊ရခိုင်ပြည်လို့တောင်ခေါ်လို့ရဖို့မဟုပ်ဗျာလ်ကြာပါလတ်ကေ။ဒေပိုင်စွာအပြုအမူတိကိုလည်းမြန်နိုင်သမျှမြန်မြန်ရပ်တန့်ကရပ်ဖို့ကြိုးစားဂတ်ရဖို့ဖြစ်တေ။အမျိုးသားရေးဆိုရေစကားလုံးစွာပြောခါလွယ်သလောက်အင်မတန်နက်ရှိုင်းရေ။အင်မတန်ကျယ်ပြန့်ရေ၊ရက္ခိုင့်တပ်မတော်အမျိုးသား၊စည်းလုံးရီးနန့်၊အမျိုးသားတော်လှန်ရေးကိုဆင်နွှဲရေဆိုစွာရေ၊အမျိုးသားရေးလုပ်ငန်းစဉ်ထဲကအရေးပါရေကဏ္ဍတစ်ခုဖြစ်တေ။ရခိုင်သားတိမှာ၊အမျိုးသားရေးကဏ္ဍတစ်ခုလုံးချွတ်ခြုံကျနီရေ၊အကျပ်တည်းပေါင်းစုံနန့်၊ကြုံနီရရေအတွက်နန့်၊ကဏ္ဍပေါင်းစုံကိုတစ်ပြိုင်တည်းမှာအကောင်ထည်ဖေါ်ဆောင်ရွက်လားရဖို့ဖြစ်တေ။ယင်းအတွက်နန့်၊ရက္ခိုင့်တပ်မတော်အနေနန့်၊အမျိုးသားလုံခြုံရေး၊နိုင်ငံတော်ကာကွယ်ရေး၊တိုင်းပြည်တည်ဆောက်ရေးလုပ်ငန်းတိကိုစွမ်းစွမ်းတမံဆောင်ရွက်ယင်းပင်၊တစ်ခြားကဏ္ဍတိမှာရှိနီရေ၊လိုအပ်ချက်တိကိုလည်း၊ပြည်သူတစ်ရပ်လုံးနန့်ညီညီညွတ်ညွတ်လက်တွဲပြီးကေ၊ဆောင်ရွက်လားရဖို့ဖြစ်တေ။ယေဇူးနန့်၊ရခိုင်အမျိုးသားရေးလှုပ်ရှာမှု၊ကျယ်ကျယ်ပြန့်ပြန့်၊ထိထိရောက်ရောက်နန့်၊ပ်ါပေါက်လာအောင်အတွက်၊ဆွဲဆောင်မှုတိပီးပြီးကေ၊မျှော်လင့်ချက်မရှိရေအခြေအနေတိကို၊မျှော်လင့်ချက်တိဖြစ်လာအောင်၊ယုံကြည်မှုတိခိုင်မာလာအောင်အတွက်၊မိမိရို့အနေနန့်ပိုပြီးကေကြိုးစားရဖို့ဖြစ်တေ။ဒေနေရာမှာအထူးတစ်လည်ပြောကြားလိုရေအချက်တစ်ချက်က၊ရခိုင်သားတိရန်သူကိုမတော်လှန်ခင်၊မိမိရို့တစ်ယောက်ချင်းစီဧ၊ကိုယ်တွင်းမှာဟိနီရေ၊မှားယွင်းနီရေ၊အမြင်တိ၊မူမှန်ရေ၊ဆန္ဒစွဲတိ၊အနီအထိုင်အပြောအဆိုတိကို၊ပထမဆုံးပြောင်းလဲရီသွန်ပစ်ရဖို့ဆိုရေ၊စိတ်ထားဖြစ်ရေ။ဒေကိစ္စရေ၊ရဲဘော်ရို့သိရေအတိုင်း၊ရက္ခိုင့်တပ်မတော်မှာ၊အထူးကြပ်မတ်သတိထားပြီးကေ၊ဆောင်ရွက်နီရေကိစ္စလည်းဖြစ်တေ။လူတစ်ယေက်ချင်းဧ၊စိတ်သဏ္ဍာန်ထဲမှာအမြော်မြင်တိကျယ်ပြန့်လာဖို၊့အမျိုးသားရေးအတွက်လိမ္မာပါးနပ်စွာနန့်၊နီထိုင်တတ်ဖို့၊မှားယွင်းနီရေစိတ်ဓါတ်တိ၊ကိုပြုပြင်ပြီးကေ၊သမိုင်းသစ်ကို၊ရွီးပြနိုင်ရေရဲဘော်ကောင်းတိ၊လူတော်လူကောင်းတိ၊ဖြစ်အောင်အတွက်အမြဲတမ်းရက္ခိုင့်တပ်မတော်မှာ၊ကြိုးစားအားထုတ်နီရေကိစ္စလည်းဖြစ်တေ။ဒေကိစ္စရေ၊ကောင်းကောင်းအရေးကြီးရေအတွက်နန့်၊တပ်တွင်းတစ်ခုတည်းမှာပြောင်းလဲရုံနန့်လုံလောက်ဖို့မဟုတ်၊ရခိုင်တစ်မျိုးသားလုံးအနေနန့်ပြုပြင်ပြောင်းလဲဖို့လိုအပ်လိမယ်။ရခိုင်လူမျိုးတိ၊ကိုယ့်ကံကြမ္မာကိုကိုယ်ဖန်တီးနိုင်ဖို့၊ပိုမိုကောင်းမွန်ရေအနာဂတ်ကိုပိုင်ဆိုင်နိုင်ဖို့အတွက်မှားယွင်းဖေါက်ပြန်နီရေအတွေးအခေါ်အယူဆတိအပြုမူတိကို၊ပထမဆုံးတော်လှန်ပစ်ရဖို့ဖြစ်တေ။နိဂုံးချုပ်အနေနန့်ပြောချင်စာက၊မိမိရို့ရက္ခိုင့်တပ်မတော်သည်၊တိုင်းပြည်နန့်လူမျိုးအတွက်၊အချိန်တိုင်းမှာကြိုးစားတည်ဆောက်နီဖို့၊လေ့ကျင့်နီဖို့၊နိုးကြားနီဖို့။တိုက်ပွဲဝင်ဖို့အတွက်အဆင်သင့်ဟိနီဖို့အတွက်ဇာအခြေအနေပင်ရောက်ရောက်တပ်မတော်တစ်ရပ်ဧစွမ်းရည်သည်၊တိုက်ပွဲဝင်ဖို့အတွက်အမြဲတမ်းအဆင်သင့်ရှိနီရဖို့။ရက္ခိုင့်မတော်မှာ၊အလွန်တစ်ရာကြီးမားရေတာဝန်တိရှိမှာစောင့်မျှော်လို့ရှိနီရေ၊ယင်းချင့်အတွက်လည်း၊အားမာန်တိကိုစုစုထားဂတ်ဖို့မှာချင်ရေ၊လိုအပ်ကေလိုအပ်ရေပိုင်အမျိုးသားရေးတာဝန်တိကိုကျီကျီပွန်ပွန်နန့်၊စွန့်လွှတ်စွန့်စား၊ထမ်းဆောင်လားဂတ်ဖို့ဖြစ်ကြောင်းပြောကြားယင်းနိဂုံးချုပ်တေ။